Онцгой байдлын ерөнхий газрын Гал түймэртэй тэмцэх газрын дарга, хурандаа Ц.Нямбаяр болон Нийслэлийн Онцгой байдлын газрын дарга, хурандаа А.Дашням Онцгой байдлын албаны 19 жилийн ойг тохиолдуулан төрийн дээд одон, медал, цолоор шагнагдсан алба хаагчдад шагналыг гардуулан баяр хүргэж, амжилт хүслээ.
Мөн Гал түймэр унтраах, аврах 63 дугаар ангийн дуудлага хүлээн авагч, дэд ахлагч Ц.Дэлгэрмаа, Гал түймэр унтраах, аврах 35 дугаар ангийн гал сөнөөгч, ахлах ахлагч Б.Баттулга нарт өргөө цагаан гэрийн түлхүүрийг гардуулах үйл ажиллагаа явагдлаа.
